不過其他海鮮(蟹，龍蝦暫時都仲係唔可以食住)
既然可以食蝦，袁太當然唔會放過呢個機會，因為之前戒口咁耐，真係人都顛，何況袁生一直都好鐘意食炒蝦球，去街市買半斤中蝦，再加上我至愛的蘆筍，~呀~仲有雞脾菇，炒埋一碟，清清地就最好，何況一碟裡面，有菜有菇有海鮮，配搭都唔錯 !
蘆筍雞脾菇炒蝦球
材料 : 蘆筍<1扎>，雞脾菇<1條>，中蝦<半斤>，薑<5片>，蒜頭(剁碎)<1粒>
獻汁 : 雞粉，鹽，生粉，胡椒粉，水<適量>
做法 :
1. 中蝦去殼挑去腸，用生粉拌勻後沖淨(此步驟做三次)
2. 用廚房紙抹乾水份後加入少許麻油，鹽，胡椒粉調味
3. 蘆筍切段，雞脾菇斜切成片，洗淨備用
4. 燒紅鑊，將蝦球落鑊走油後盛起
5. 再燒鑊，爆香薑片及蒜粒，下蘆筍及雞脾菇炒勻，加入少許鹽，雞粉調味
6. 待蘆筍熟透後，將蝦球回鑊一同兜勻，加入獻汁煮滾至收汁即可
醫生有冇解釋過起粒粒既原因係....?
回覆刪除一步步解除禁令~~~~加油~
[寧靜中的不寧靜回覆01/30/2013 06:51:16]係呀, 不過咖喱唔食都可以既~ 可以食白汁喎`
[版主回覆01/30/2013 01:40:18]咖哩屬於刺激，辣的食物，我暫時都唔食得！
[寧靜中的不寧靜回覆01/29/2013 06:50:39]不過都要小心D, 唔好撞到佢, 洗傷口徹底D~
佢一食雞就腳痛嘛, 可以一碟餸入面, 例如, 咖喱雞球, 同咖喱斑腩, 皆大歡喜~
[版主回覆01/28/2013 21:46:07]而家拆左紗布後,D粒粒已經散左好多,可能真係要俾個傷口或者附近的皮膚透透氣,妳又記得袁生唔食得雞既,不過如果我可以食番雞的話,我係唔會理佢既!
[寧靜中的不寧靜回覆01/28/2013 06:31:20]醫生有冇開藥膏呀? 定係要透氣多D???
袁生唔吃得雞喎,,,,,,
[版主回覆01/27/2013 15:38:53]因為可能個位置貼住紗布+防水膠布,有時沖涼的時候唔小心滴左D水入去我又唔知,所以咪癢囉,我都唔知會咁誇張,係覆診的時候拆開紗布先知生左好多粒粒,都幾核突兼恐怖,我最想希望可以快D食得牛同雞!
嘩~~蝦球同雞脾菇都好好味喔~!
回覆刪除[版主回覆01/28/2013 21:46:54]其實我以前唔係太鐘意雞脾菇,但最近唔知點解突然愛上了!
雞脾菇...我都愛呀...
回覆刪除[版主回覆01/29/2013 01:19:35]原來妳都係愛菇之人！