~哈~ 今晚晚餐又來整雞雞 , 不過唔係雞翼
而係用大大塊雞扒
簡簡單單醃佢幾粒鐘 , 放入鑊中乾煎 ......
醃料又來用近期袁太廚房好熱門的調味料 ~魚露~
加入魚露 , 蒜蓉 , 乾蔥頭拌勻醃一醃佢
唔需要落油 , 用乾鑊煎 , 將雞油迫出
用雞油的香味煎雞扒兩面 , 盛起放在生菜上吸一吸取油份
就可以享用了
呢個煎雞扒係咪材料同做法都好簡單呢
除左簡單 , 仲好美味添 !!!
材料有三塊大大雞扒
將雞扒洗淨切大件 , 加入醃料拌勻醃5小時 (如唔夠時間 , 最少醃2小時才可落鑊煎)
材料雞扒3塊 , 唐生菜
醃料魚露 , 糖 , 老抽 , 蒜蓉 , 乾蔥粒
做法1. 雞扒洗淨抹乾水份 , 加入醃料拌勻醃5小時 (如唔夠時間 , 最少醃2小時才可落鑊煎)
2. 燒紅鑊(不落油) , 將雞皮向下放入鑊中用中火煎至出雞油
3. 用雞油煎至雞扒兩面熟透至金黃色
4. 盛起放在生菜上吸取過多油份即可
簡單又美味的煎雞扒 , 雞皮煎到脆卜卜 , 我就至喜愛呢 ^^
我地一家都好喜歡雞扒, 啖啖肉. ❤️
回覆刪除無論雞扒,雞翼我都愛呢
刪除啖啖肉呀........岩哂我.....我可以K.O半碟......白飯另計....
回覆刪除咁勁可以K.O半碟,咁白飯可以K.O幾多碗呢 ???
刪除雞扒我都鍾意整，不過我就通常會一大塊煎完先剪開一件件 :)
回覆刪除我都喜愛大大塊雞扒煎完先切,不過袁生話切好一舊舊醃會有味d喎
刪除嘩~雞扒煎得好香口~好吸引呢~!
回覆刪除而且雞皮仲煎到脆脆架 ^^
刪除袁太，芙芙嚟啦，
回覆刪除其實芙芙尋日已經睇到你呢個雞排，當時仲心諗，
好香口好好味咁bor，不過睇完就冇留言，
就要開工啦，而家偷偷哋留返個言俾你先~
原來芙芙咁忙，唔好意思阻住芙芙做野添 ^^
刪除唔阻唔阻，芙芙而家又得閒返d啦，
刪除又可以成日嚟探你啦，yeah~~
得閒d都要休息多d呀,最近身體好番d未呢
刪除等我又try 下先, hahah
回覆刪除~嘩~大肥人好耐冇見妳喇
刪除