蠔汁冬菇蘿蔔炆鴨腳撈蝦子麵

 

這幾天又落大雨 , 溫度又突然下降不少

朝早訓醒感到寒氣逼近 , 每當袁太感覺冰冷 , 我個御用暖袋一定隨時侯命

不過可惜暖袋已經不在家了 (暖袋就是豬豬呢)

如果大家家裡有寵物一定知狗狗本身的體溫好暖 , 寒冷的天氣

將他們擁入懷中 , 個種感覺真係好正呢 ......



天氣冷唔想待廚房腳震震咁煮飯 , 有時簡簡單單煮個麵 , 炒個米粉又一餐

此刻眼見廚房有包蝦子麵

用來做晚餐都唔錯 , 不過又怕袁生有意見

因袁生唔太喜愛食呢類型的麵

好似上海麵 , 蝦子麵 , 銀針粉 , 烏冬 , 生麵 , 粗麵他統統都唔太愛

永遠只係喜愛個幾款 ~米粉 , 米線 , 河粉 , 一丁麵~




如果要佢食他唔多愛的麵 , 唯有向佢喜愛的食材埋手

它就是 ~鴨腳~

冬菇早一日浸軟 , 加入蘿蔔一齊炆個鴨腳 , 再配上蠔油炆

絕對係他的至愛

炆好的鴨腳再焗下佢 , 然後烚下菜 , 煮熟個蝦子麵

再將蝦子麵放入炆鴨腳的汁汁煮下佢

蝦子麵索晒汁料的味道 , 唔好話袁生超Like , 連我都好喜愛呢 ^^



材料 : 冬菇 , 白蘿蔔 , 蝦子麵 , 鴨腳 , 唐生菜 , 薑片 , 冰糖 , 蒜頭 , 紹酒 , 蔥

鴨腳剪去甲洗淨 , 再放入鑊中蓋上蓋出水5分鐘後盛起沖一沖洗油份 , 再倒去水份備用

唐生菜洗淨 , 蒜頭去衣切細粒 , 薑去皮切片 , 蔥切粒

鑊中加入薑片及蒜粒爆香 , 加入鴨腳 , 贊酒炒香 , 再加入調味料及冰糖拌勻 , 加入5碗份量的水拌勻 , 用中火煮滾後蓋上蓋轉慢火炆 1 1/2小時

炆鴨腳期間 , 將冬菇去蒂 , 留起浸冬菇水 , 留起冬菇蒂用來下次煲湯 , 白蘿蔔去皮切件

鴨腳炆 1 1/2 小時後加入冬菇 , 白蘿蔔及冬菇水拌勻 , 再蓋上蓋繼續用慢火炆30分鐘後再熄火焗30分鐘

 

  

細煲加少許油燒滾水 , 將唐生菜灼熟後盛起先放上碟 , 再加入蝦子麵用中火拌散煮2分鐘 , 倒去水份後再用水沖一沖洗過冷河 , 再倒去水份

盛起蝦子麵放入炆鴨腳汁內用慢火煮1分鐘 , 盛起放在生菜上

  

 

再逐一放上冬菇 , 白蘿蔔及鴨腳 , 淋上炆鴨腳汁料 , 最後灑上蔥粒即可

  
材料 
冬菇 , 白蘿蔔1條 , 蝦子麵2個 , 鴨腳12隻 , 唐生菜1棵 , 薑片 , 冰糖 , 蒜頭 , 紹酒 , 蔥
 
調味料
蠔油 , 生抽 , 老抽



做法
1. 鴨腳剪去甲洗淨

2. 再放入鑊中蓋上蓋出水5分鐘後盛起沖一沖洗油份 , 再倒去水份備用

3. 唐生菜洗淨 , 蒜頭去衣切細粒 , 薑去皮切片 , 蔥切粒

4. 鑊中加入薑片及蒜粒爆香 , 加入鴨腳 , 贊酒炒香

5. 再加入調味料及冰糖拌勻

6. 加入5碗份量的水拌勻 , 用中火煮滾後蓋上蓋轉慢火炆 1 1/2小時

7. 炆鴨腳期間 , 將冬菇去蒂 , 留起浸冬菇水 , 留起冬菇蒂用來下次煲湯

8. 白蘿蔔去皮切件 

9. 鴨腳炆 1 1/2 小時後加入冬菇 , 白蘿蔔及冬菇水拌勻

10. 再蓋上蓋繼續用慢火炆30分鐘後再熄火焗30分鐘

11. 細煲加少許油燒滾水 , 將唐生菜灼熟後盛起先放上碟

12. 再加入蝦子麵用中火拌散煮2分鐘

13. 倒去水份後再用水沖一沖洗過冷河 , 再倒去水份

14. 盛起蝦子麵放入炆鴨腳汁內用慢火煮1分鐘 , 盛起放在生菜上 

15. 再逐一放上冬菇 , 白蘿蔔及鴨腳 , 淋上炆鴨腳汁料 , 最後灑上蔥粒即可 

 



蝦子麵吸收晒炆鴨腳汁料的味道 , 味道濃郁又彈牙 ~yummy~