燕麥煎焗脆薯蓉PIZZA / 薯波

前幾日突然心血來潮想在家搓搓麵糰整薄餅 , 但原來欠缺了一樣主要材料~高筋麵粉~ , 冇麵粉 = 冇得整 , 真傷腦筋呢 ......



不過冇得整PIZZA唔緊要 , 用其他材料代替 , 再整成pizza形狀 , 應該可以安慰心裡個股搓PIZZA麵糰個團火 , 袁太今次用的代替品材料好簡單 , 只需薯仔 , 煙肉同紫洋蔥 , 仲有燕麥片 , 唔知大家的老公或者男朋友仔喜歡食燕麥片嗎 ??? 我屋企個位袁生係完全唔鐘意食 , 應該話佢係絕對唔鐘意食有益的野 , 但反而冇咩益的食物 , 佢就統統都會食落肚 , 所以袁太有時煮野就會偷偷地加入燕麥片 , 等袁生係唔知的情況下食埋落肚 , 咁就可以神不知鬼不覺咁食左有益的食物喇



呢款薯蓉PIZZA做法都好簡單 , 將薯來蒸熟 , 再壓成蓉 , 加入餘下材料 , 即係袁太今次用的煙肉同洋蔥 , 當然大家可以轉用自己喜愛的材料呢 , 例如 : 粟米粒呀 , 甘旬絲等等 ... 然後再放入鑊中煎至微黃色後放入焗爐焗至金黃色就可以 , 雖然同正常Pizza係有好大出入 , 但煎完焗完外面變得脆脆 , 而內裡的薯蓉幼滑 , 又散發洋蔥同煙肉的香味 , 都幾得意 , 好好味呢 ^^



材料 : 雞蛋 , 薯仔 , 煙肉 , 紫洋蔥 , 燕麥片 , 麵粉 , 麵包糠 , 鹽 , 黑胡椒碎

紫洋蔥去衣 , 薯仔去皮 , 將薯仔切粒 , 用水沖一沖洗再瀝乾水份 , 放入電蒸鍋內蒸30分鐘再焗10分鐘

紫洋蔥切粒 , 煙肉切粒 , 鑊中放入煙肉炒至有香味後 , 加入洋蔥粒用中火拌炒數分鐘至洋蔥透明軟身

蒸好的薯仔粒盛起放入大碗內 , 加入少許鹽及黑胡椒碎調味拌勻 , 用羹將薯粒壓成蓉 , 再加入之前炒至熟透的煙肉洋蔥粒再拌勻至完全混合 , 再靜待10分鐘

雞蛋打成蛋液 , 燕麥片同麵包糠拌勻 , 焗盆放上保鮮紙 , 將適量材料放上用羹壓平 , 逐一灑上麵粉 , 掃上蛋液及灑上麵包糠 , 將薯蓉餅反轉放在一個放左保鮮紙的器皿內 , 同樣灑上麵粉 , 掃上蛋液及灑上麵包糠 , 其餘材料用手搓成波型 , 同樣沾上麵包 , 蛋液及麵包糠 , 蓋上保鮮紙放入冰箱冷藏1小時

將薯蓉PIZZA及薯波從冰箱取出靜待10分鐘 , 焗爐用180C預熱10分鐘 , 先將薯蓉PIZZA煎至兩面微黃色後放入焗盆內 , 薯波亦放入鑊中煎至兩面微黃色後放入焗架上 , 放入焗爐用180C上下火焗10分鐘至金黃色 , 取出靜待10分鐘即可

 
材料
雞蛋2隻 , 薯仔4個 , 煙肉3片 , 紫洋蔥1個 , 燕麥片 , 麵粉 , 麵包糠 , 鹽 , 黑胡椒碎

做法

1. 紫洋蔥去衣 , 薯仔去皮 , 將薯仔切粒 , 用水沖一沖洗再瀝乾水份 

2. 放入電蒸鍋內蒸30分鐘再焗10分鐘

3. 紫洋蔥切粒 , 煙肉切粒 

4. 鑊中放入煙肉炒至有香味後 , 加入洋蔥粒用中火拌炒數分鐘至洋蔥透明軟身

5. 蒸好的薯仔粒盛起放入大碗內 , 加入少許鹽及黑胡椒碎調味拌勻 

6. 用羹將薯粒壓成蓉 

7. 再加入之前炒至熟透的煙肉洋蔥粒再拌勻至完全混合 , 再靜待10分鐘

8. 雞蛋打成蛋液 , 燕麥片同麵包糠拌勻 

9. 焗盆放上保鮮紙 , 將適量材料放上用羹壓平 , 逐一灑上麵粉 , 掃上蛋液及灑上麵包糠 

10. 將薯蓉餅反轉放在一個放左保鮮紙的器皿內 

11. 同樣灑上麵粉 , 掃上蛋液及灑上麵包糠 

12. 其餘材料用手搓成波型 , 同樣沾上麵包 , 蛋液及麵包糠 

13. 蓋上保鮮紙放入冰箱冷藏1小時

14. 將薯蓉PIZZA及薯波從冰箱取出靜待10分鐘

15. 焗爐用180C預熱10分鐘

16. 先將薯蓉PIZZA煎至兩面微黃色後放入焗盆內 

17. 薯波亦放入鑊中煎至兩面微黃色後放入焗架上 

18. 放入焗爐用180C上下火焗10分鐘至金黃色 , 取出靜待10分鐘即可




薯蓉PIZZA同薯波都一樣咁好味 , 雖然整左好多 , 但我同袁生都好似唔夠食呢 ^^