2018年7月18日 星期三

冬瓜粟米鬚鴨腎豬展湯




前排小暑的時候 , 袁太係街市 , 見有好多太太們瘋狂買冬瓜 , 荷葉同蓮蓬 , 其實小暑之日係咪一定要買冬瓜煲呢 ??? 雖然我同袁生都飲冬瓜湯 , 但就唔係太喜歡荷葉 , 蓮蓬的味道 , 所以如果要我煲冬瓜湯 , 我會選擇配其他材料 ......



印象中以前的袁太唔太喜歡冬瓜 , 因做女的時候 , 媽咪常常煲冬瓜荷葉湯 , 冬瓜水或者去濕湯 , 講真 ... 真係飲到有d驚驚 , 不過隨著年紀越來越大 , 先醒覺原來冬瓜好有益 , 而且每逄夏天 , 熱死辣辣的天氣 , 都喜愛買冬瓜煲湯水



今次冬瓜湯的材料除冬瓜外 , 仲買左粟米 , 粟米鬚 , 豬展同鴨腎四樣 , 粟米鬚有清熱祛濕 , 消暑利尿功效 , 而且

- 加左鴨腎煲出來味道有少許鹹味 ~我愛~
- 加左粟米煲出來甜甜的 ~我又愛~ - 加左豬展煲 , 將豬展撕成絲 , 食時好軟滑 ~我大愛~



湯料有鴨腎 , 已帶少許鹹味 , 所以最後只需落少許鹽就得 , 最近真係太熱氣 , 真係耍飲多多湯水下火 , 呢款湯袁太飲左三碗都仲想繼續飲呢 ^^



材料 : 粟米鬚 , 冬瓜 , 粟米 , 鴨腎 , 豬展 , 蜜棗 , 鹽




豬展 , 鴨腎放入煲內 , 加水用中火煮至滾 , 用水沖一沖洗及瀝乾 , 粟米外皮留起撕成細塊 , 粟米切段 , 粟米鬚用水沖一沖洗及瀝乾 , 冬瓜洗淨去籽切件












豬展 , 粟米放入煲內 , 逐一加入鴨腎 , 粟米外皮 , 粟米鬚及蜜棗 , 加入適量水拌勻 , 用中火先煲15分鐘至滾 , 加入冬瓜拌勻再煮滾 , 蓋上蓋轉慢火煲1 1/2小時


















1 1/2小時後將豬展及鴨腎盛起 , 豬展撕成細件或絲 , 鴨腎切片 , 逐一放回煲內拌勻 , 轉用中火煲10分鐘 , 最後加少許鹽拌勻再煮滾 , 熄火焗30分鐘即可

















材料
粟米鬚$5 , 冬瓜2斤 , 粟米1條 , 鴨腎3個 , 豬展 , 蜜棗3粒 , 鹽



做法
1. 豬展 , 鴨腎放入煲內 , 加水用中火煮至滾 , 用水沖一沖洗及瀝乾

2. 粟米外皮留起撕成細塊 , 粟米切段 

3. 粟米鬚用水沖一沖洗及瀝乾 , 冬瓜洗淨去籽切件

4. 豬展 , 粟米放入煲內 , 逐一加入鴨腎 , 粟米外皮 , 粟米鬚及蜜棗 

5. 加入適量水拌勻 

6. 用中火先煲15分鐘至滾 , 加入冬瓜拌勻再煮滾 , 蓋上蓋轉慢火煲1 1/2小時

7. 1 1/2小時後將豬展及鴨腎盛起 

8. 豬展撕成細件或絲 , 鴨腎切片 

9. 逐一放回煲內拌勻 , 轉用中火煲10分鐘 

10. 最後加少許鹽拌勻再煮滾 , 熄火焗30分鐘即可 




呢款冬瓜湯的湯水顏色清晰 , 而且又有湯渣食 , 好味道呢 ^^







15 則留言:

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......