2018年7月11日 星期三

椒鹽蒜香酥炸單骨雞翼




呢幾日都好猛太陽 , 不過好似明日開始又下雨 , 天氣真係難預側 , 所以大家出門要帶定傘傍身 , 有雨遮雨 , 冇雨就遮太陽呢 , 唔知大家仲記唔記得上次整的A貨KFC香辣炸雞 ??? 上次袁生食完話好好味之後 , 又想袁太再encore ......



不過今次唔用雞全翼 , 換來用雞中翼 , 其實只係冰箱餘貨 , 眼見雞中翼好似好大隻 , 所以就一分為二做成單骨雞翼 , 咁袁生食時就方便d , 其實做法同上次香辣炸雞差不多 , 只係飛走辣椒粉 , 唔做辣味 , 換來蒜鹽代替做成蒜香雞翼 , 最近世界盃 , 袁生晚晚都睇到好夜先訓 , 佢無論要趕圖或睇電視 , 總知夜訓的時候 , 袁太都會自動自覺整定宵夜俾佢 , 所以呢個美味炸雞自自然然就成為袁生的宵夜



世界盃由開始到而家 , 佢不停係咁食 .. 食 ... 食 ... 唔駛好長時間 , 我相信袁生一定會變成一隻大肥豬呢 ^^



材料 : 雞中翼 , 雞蛋 , 泡打粉 , 糖 , 蒜鹽 , 黑胡椒碎 , 胡椒粉 , 麵包糠 , 麵粉 , 鹽 , 酒 , 椒鹽 , 七味粉




雞中翼開半剪開成單骨雞翼 , 用水沖一沖洗抹乾水份 , 放入器皿內加入蒜鹽 , 鹽 , 糖 , 胡椒粉 , 七味粉拌勻 , 蓋上保鮮紙放入雪櫃靜待一晚


















靜待一晚的單骨雞翼取出靜待10分鐘 , 麵粉 , 泡打粉 , 黑胡椒碎 , 蒜鹽拌勻 , 雞蛋拌勻成蛋液 , 將單骨雞翼逐一沾上粉 , 再沾上蛋液 , 再沾上一層粉及麵包糠靜待10分鐘




















燒熱油鑊 , 逐一放入單骨雞翼用慢火慢慢炸 , 中途拌一拌勻雞鎚以免黏底 , 慢慢炸至微黃色盛起 , 再放入餘下單骨雞翼 , 同樣用慢火慢慢炸 , 中途拌一拌勻雞翼以免黏底 , 慢慢炸至微黃色盛起靜待10分鐘 , 10分鐘後將單骨雞翼回油鑊內 , 用中火炸至金黃色 , 盛起灑上椒鹽及七味粉即可

















材料
雞中翼12隻 , 雞蛋2隻 , 泡打粉1茶匙 , 糖 , 蒜鹽 , 黑胡椒碎 , 胡椒粉 , 麵包糠 , 麵粉 , 鹽 , 酒 , 椒鹽 , 七味粉



做法
1. 雞中翼開半剪開成單骨雞翼 , 用水沖一沖洗抹乾水份

2. 放入器皿內加入蒜鹽 , 鹽 , 糖 , 胡椒粉 , 七味粉拌勻

3. 蓋上保鮮紙放入雪櫃靜待一晚

4. 靜待一晚的單骨雞翼取出靜待10分鐘 

5. 麵粉 , 泡打粉 , 黑胡椒碎 , 蒜鹽拌勻 , 雞蛋拌勻成蛋液 

6. 將單骨雞翼逐一沾上粉 , 再沾上蛋液 , 再沾上一層粉及麵包糠靜待10分鐘

7. 燒熱油鑊 , 逐一放入單骨雞翼用慢火慢慢炸 , 中途拌一拌勻雞鎚以免黏底 

8. 慢慢炸至微黃色盛起 

9. 再放入餘下單骨雞翼 , 同樣用慢火慢慢炸 , 中途拌一拌勻雞翼以免黏底 

10. 慢慢炸至微黃色盛起靜待10分鐘 

11. 10分鐘後將單骨雞翼回油鑊內 , 用中火炸至金黃色 , 盛起灑上椒鹽及七味粉即可




每條都炸得金金黃黃靚靚仔仔 , 雖然袁太冇得食 , 冇得試味 , 但見袁生食得津津有味 , 相信一定好滋味呢 ^^









18 則留言:

  1. 袁太炸嘢真有一手!點解你唔食得雞嘅?

    回覆刪除
    回覆
    1. 因為我條腰有瘤,所以醫生叫我唔好食雞,牛,羊,肉類方面我而家只可以食豬😣

      刪除
  2. 炸得好靚, 單骨食得方便D.

    回覆刪除
    回覆
    1. 因為整俾袁生食,所以盡量整得方便d

      刪除
  3. 單骨雞翼我鐘意

    回覆刪除
  4. 呢個炸雞翼冇得頂呀

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......