2018年8月11日 星期六

粟米粉葛花豆豬骨湯




最近家中郵箱經常出現一個我同袁生唔認識某個人的信件 ,  其實呢個人的信件久唔久就會出現 , 我曾經試過同管理處講過冇呢個人 , 咁當然管理處的人員當然唔會理 , 前排仲有郵差按門鐘有掛號信俾呢個人添 , 我都有同郵差講根本冇呢個人 , 仲講話我地呢度係一手買家冇轉過手 , 點解經常有呢個人的信件呢 ??? 郵差當然只說咁我登記冇呢個人喇 , 其實都冇咩幫助 ......



究竟呢個人係玩野 , 還是有人會蠢到連自己個地址寫錯左咁多年都唔知呢???最攪笑係呢位陌生人又係姓袁 , 會唔會咁啱同姓呢???而家都唔知應該點做好 , 唔知應該打去咩機構或部門查詢 , 完全唔知向邊度入手 , 好煩惱



咩季節袁太都鐘意煲粉葛湯 , 皆因袁太好鐘意食粉葛 , 而且粉葛可以煲肉湯 , 又可以煲素湯或粉葛水 , 全部都好好味 , 夏天開得多冷氣訓 , 訓醒經常就腰酸背痛 , 飲粉葛湯就最好 , 因有去骨火功效 , 再加上赤小豆仲可以去埋濕 , 今次仲加入花豆一齊煲 , 另外煲湯必需品~粟米 , 蜜棗 , 果皮 , 豬骨~ , 啖湯甜甜濃濃 



一向唔太鐘意飲粉葛湯的袁生都漸漸接受到粉葛湯的味道 , 佢以前總覺得粉葛湯味道怪怪 , 不過今次佢好滿意 , 呢個湯相信下次可以再encore呢 ^^



材料 : 粉葛 , 粟米 , 赤小豆 , 花豆 , 果皮(預先浸軟) , 豬骨 , 鹽 , 蜜棗




豬骨放入煲內加水用中火煮滾 , 用水沖一沖洗去油份及碎骨 , 瀝乾水份 , 粟米切段 , 粉葛去皮切件 , 赤小豆花豆用水沖一沖洗及瀝乾 , 果皮刮去囊撕成細塊












   
 
煲內逐一放入豬骨 , 粟米 , 赤小豆 , 花豆 , 蜜棗及果皮 , 加入適量水拌勻 , 用中火煲至微滾後 , 加入粉葛拌勻用中火煲15分鐘 , 再蓋上蓋轉慢火煲1 1/2小時 , 最後加少許鹽調味拌勻 , 轉用中火再煲滾 , 最後熄火焗30分鐘即可






















 



材料
粉葛1斤 , 粟米2條 , 赤小豆 , 花豆 , 果皮1塊(預先浸軟) , 豬骨 , 鹽 , 蜜棗2粒



做法
1. 豬骨放入煲內加水用中火煮滾 , 用水沖一沖洗去油份及碎骨 , 瀝乾水份 

2. 粟米切段 , 粉葛去皮切件 

3. 赤小豆花豆用水沖一沖洗及瀝乾 , 果皮刮去囊撕成細塊 

4. 煲內逐一放入豬骨 , 粟米 , 赤小豆 , 花豆 , 蜜棗及果皮 , 加入適量水拌勻 

5. 用中火煲至微滾後 , 加入粉葛拌勻用中火煲15分鐘 

6. 再蓋上蓋轉慢火煲1 1/2小時 

7. 最後加少許鹽調味拌勻 , 轉用中火再煲滾 , 最後熄火焗30分鐘即可 




雖然粉葛可以煲素湯或粉葛水 , 但都係配肉煲成肉湯最好味呢 ^^






14 則留言:

  1. 又有袁太靚湯飲

    回覆刪除
  2. 我都要飲湯呀,一碗多湯渣唔該

    回覆刪除
  3. 咁多料煲一定好飲啦。
    會唔會係寄俾袁生,而一直寫錯袁生嘅名呢?哈哈

    回覆刪除
    回覆
    1. 個湯夠濃郁呀,一定唔會寄俾袁生呢,因有次郵差掛號有信件俾呢個人,係香港考評局的信件,應該不是寄俾袁生呢

      刪除
  4. 粉葛湯我喜歡

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......