芋頭臘味炒飯 , 西洋菜蜜

秋風起當然要食臘味 , 無論臘腸 , 潤腸 , 臘肉 , 臘鴨我都唔會抗拒 , 還見有剩的臘味係雪櫃 , 不過今次唔想整有味飯 , 用來做炒飯 , 前一晚已經煮好飯放入雪櫃 , 等變成冷飯先拎去炒 , 飯未炒 , 只想起臘味的香味我已經流定口水 ......



大家可能會問 : 袁生唔係唔食炒飯咩 ??? 都係架 , 袁生係唔太鍾意食炒飯 , 但如果用臘味做材料佢就會食 , 因袁生也喜愛臘味的香味 , 麻煩友果然係一位麻煩友 , 去街市買材料經過菜檔見芋頭好粉粉 , 又買左半個回家 , 又買左半斤芥蘭 , 全部切粒粒加埋落去一齊炒飯 , 米飯粒炒到金金黃黃 , 芋頭又夠飽肚 , 又有臘味的香味 , ~yummy yummy~



不過食完炒飯 , 喉嚨又會變得乾乾 , 見最近的西洋菜都唔錯 , 買一扎回家

仲記得細細個的時候 , 家家戶戶都會去超市買一樽西洋菜蜜 , 想飲的話就咁沖水就得 , 真係好鬼死方便，但味道就甜左少少 , 所以都係自己親手煲的好好多 , 而且好味又有益 , 自己煲西洋菜蜜材料好簡單 , 只要西洋菜 , 蜜棗同冰糖 , 煲佢一粒鐘就完成 , 呢個可以熱飲凍飲 , 不過感覺西洋菜蜜都係熱飲會潤ddd , 而且見袁生都好喜歡 , 仲飲左好多杯添 ^^

 

材料 : 冷飯 , 臘腸(短) , 臘肉 , 芋頭 , 芥蘭 , 雞蛋 , 薑 , 蔥粒 , 乾蔥頭 , 鹽 , 西洋菜 , 蜜棗 , 冰糖 , 魚露 , 胡椒粉 , 美的早餐機(MZ-DSY18A)

西洋菜加少許鹽加水浸過面靜待10分鐘 , 浸10分鐘後將西洋菜稍為剪一剪短 , 再用水沖一沖乾淨 , 先將1/3份量的西洋菜放入已煲滾的熱水內 , 用中火煲滾 , 再加入適量西洋菜 , 再用中火煲滾 , 再加入餘下西洋菜及蜜棗拌勻 , 用中火煲滾後蓋上蓋轉慢火煲1小時

芋頭去皮切粒 , 一半份量的芋頭放入碗內 , 放入早餐機或蒸鍋內蓋上蓋 , 時間調至20分鐘 , 期間將薑去皮切粒 , 乾蔥頭去衣切片 , 臘腸及臘肉用熱水沖一沖洗後切粒 , 蒸20分鐘後的芋頭壓成蓉 , 雞蛋拌勻成蛋液備用

鑊中加入薑粒及乾蔥頭爆香 , 加入白飯及少許鹽拌勻炒散 , 再將蛋液加入拌勻炒至每粒飯都沾上蛋液 , 用中火將飯炒至乾身不黏鑊後盛起 , 芥蘭洗淨 , 莖同葉分開處理 , 芥蘭莖切粒 , 芥蘭葉放入煲內加少許鹽及水 , 用中火煮滾數分鐘後盛起瀝乾水份再切絲

芋頭粒放入鑊中用慢火慢慢炒至微黃色後盛起 , 原鑊放入臘腸粒 , 臘肉粒炒香 , 炒至聞到臘味香味 , 加入芥蘭莖及芋頭拌炒數分鐘 , 再加入之前炒好的飯 , 芋蓉拌勻 , 再加入芥蘭葉 , 少許魚露 , 胡椒粉調味 , 最後加入蔥粒拌勻即成芋頭臘味炒飯

西洋菜蜜煲1小時後將西洋菜盛起去掉 , 加入冰糖拌勻用中火煮滾至冰糖溶掉 , 熄火蓋上蓋焗30分鐘即可 

材料
冷飯3碗 , 臘腸(短)4條 , 臘肉1/2條 , 芋頭1/2個 , 芥蘭半斤 , 雞蛋2隻 , 薑 , 蔥粒 , 乾蔥頭3粒 , 鹽 , 西洋菜1扎 , 蜜棗6粒 , 冰糖 , 魚露 , 胡椒粉 , 美的早餐機(MZ-DSY18A)



做法
1. 西洋菜加少許鹽加水浸過面靜待10分鐘

2. 浸10分鐘後將西洋菜稍為剪一剪短 , 再用水沖一沖乾淨 

3. 先將1/3份量的西洋菜放入已煲滾的熱水內 , 用中火煲滾 

4. 再加入適量西洋菜 , 再用中火煲滾 , 再加入餘下西洋菜及蜜棗拌勻 

5. 用中火煲滾後蓋上蓋轉慢火煲1小時

6. 芋頭去皮切粒 , 一半份量的芋頭放入碗內 

7. 放入早餐機或蒸鍋內蓋上蓋 , 時間調至20分鐘

8. 期間將薑去皮切粒 , 乾蔥頭去衣切片 , 臘腸及臘肉用熱水沖一沖洗後切粒 

9. 蒸20分鐘後的芋頭壓成蓉 , 雞蛋拌勻成蛋液備用 

10. 鑊中加入薑粒及乾蔥頭爆香 , 加入白飯及少許鹽拌勻炒散

11. 再將蛋液加入拌勻炒至每粒飯都沾上蛋液 , 用中火將飯炒至乾身不黏鑊後盛起 

12. 芥蘭洗淨 , 莖同葉分開處理 , 芥蘭莖切粒

13. 芥蘭葉放入煲內加少許鹽及水 , 用中火煮滾數分鐘後盛起瀝乾水份再切絲

14. 芋頭粒放入鑊中用慢火慢慢炒至微黃色後盛起 

15. 原鑊放入臘腸粒 , 臘肉粒炒香 , 炒至聞到臘味香味 

16. 加入芥蘭莖及芋頭拌炒數分鐘 , 再加入之前炒好的飯 , 芋蓉拌勻

17. 再加入芥蘭葉 , 少許魚露 , 胡椒粉調味 

18. 最後加入蔥粒拌勻即成芋頭臘味炒飯

19. 西洋菜蜜煲1小時後將西洋菜盛起去掉

20. 加入冰糖拌勻用中火煮滾至冰糖溶掉 , 熄火蓋上蓋焗30分鐘即可 




足料炮製金金黃黃的芋頭臘味炒飯 , 食完超飽肚 , 仲有杯滋潤熱飲西洋菜蜜 , 好滿足呢 ^^