[中式點心] 鴨腳扎

袁太好多時每朝睡醒 , 腦海裡都會浮現一種食物 , 有時係咖哩 , 有時係牛腩 , 今期係佢 ... 酒樓的中式點心~鴨腳扎~ , 我都幾鐘意食 , 不過而家唔食得 , 唔知大家又喜唔喜歡呢 ......



講開鴨腳扎 , 我家袁生就至喜歡食鴨腳 , 無論用蠔油炆 , 飽汁炆他統統都愛 , 不過整鴨腳扎都幾多步驟 , 又係長時間製作的點心 , 印象中記得酒樓食的鴨腳扎除左有鴨腳外 , 好似仲有火腿扒 , 芋頭 , 豬肉等等... 不過可惜袁生唔太喜愛食火腿扒 , 又唔太鐘意食芋頭 , 所以又要轉用他喜愛的食材埋手



豬肉可以保留 , 而火腿扒同芋頭就轉用沙爆魚肚同冬菇 , 我相信一定會香好多 , 雖然材料唔算多 , 但步驟都算多的自家製足料鴨腳扎 , 先要浸好材料再出水 , 又要炆鴨腳 , 炆好再用腐皮包好 , 再蒸15分鐘焗5分鐘 , 蒸好再淋上炆鴨腳的汁就完成 , 雖然整的時間頗長 , 但袁生食的時間都唔駛10分鐘呢 ^^



材料 : 炸鴨腳 , 冬菇(預先浸軟) , 冬菇水 , 沙爆魚肚 , 半肥瘦豬肉 , 腐皮 , 薑 , 蔥 , 冰糖 , 酒 , 胡椒粉 , 鹽 , 水 , 美的早餐機(MZ-DSY18A)

炸鴨腳剪去甲後用水沖一沖洗 , 薑去皮切絲 , 蔥切段 , 炸鴨腳放入煲內 , 加入一半份量薑絲及一半份量蔥段 , 少許酒及水蓋過面 , 用中火煮5分鐘至滾起 , 盛起用水沖一沖洗去油份及瀝乾

鴨腳放入鑊中 , 加入調味料 , 冰糖拌勻炒數分鐘 , 加入冬菇水及4杯水份量拌勻 , 用中火煮滾後蓋上蓋轉慢火炆45分鐘 , 期間將沙爆魚肚放入煲內 , 加入水浸過面 , 用碟或碗壓下魚肚令魚肚完全浸於水中 , 蓋上蓋靜待30分鐘 , 半肥瘦豬肉切粒 , 剁成肉餅狀 , 放入碗內加少許鹽 , 胡椒粉及麻油拌勻 , 用手撻十餘下靜待30分鐘

將浸已軟身的魚肚用水沖一沖洗後放入煲內 , 加入餘下份量的薑絲及蔥段 , 加水用中火煮至滾起 , 蓋上蓋焗10分鐘後將魚肚盛起瀝乾水份

 

炆左45分鐘的鴨腳再加入魚肚及冬菇拌勻 , 蓋上蓋繼續用慢火炆10分鐘 , 10分鐘後將全部材料連汁料轉放另一煲內蓋上蓋焗20分鐘 , 期間將腐皮修邊後對摺再剪成長型 , 冬菇及魚肚分別盛起 , 魚肚用剪刀剪成細片 , 生粉及水拌勻成生粉水

腐皮上逐一放上鴨腳 , 豬肉 , 魚肚及冬菇包好 , 用生粉水封口 , 將包好的鴨腳扎靜待10分鐘 , 鴨腳扎放上碟 , 放入美的早餐機蓋上蓋按<蒸 / 煮>功能 , 時間調至15分鐘 , 再焗5分鐘即可

 

材料
炸鴨腳8隻 , 冬菇3隻(預先浸軟) , 冬菇水 , 沙爆魚肚3塊 , 半肥瘦豬肉 , 腐皮1塊 , 薑 , 蔥 , 冰糖 , 酒 , 胡椒粉 , 鹽 , 水4杯 , 美的早餐機(MZ-DSY18A)

調味料
蠔油 , 生抽 , 老抽



做法
1. 炸鴨腳剪去甲後用水沖一沖洗 

2. 薑去皮切絲 , 蔥切段

3. 炸鴨腳放入煲內 , 加入一半份量薑絲及一半份量蔥段 , 少許酒及水蓋過面 

4. 用中火煮5分鐘至滾起 , 盛起用水沖一沖洗去油份及瀝乾

5. 鴨腳放入鑊中 , 加入調味料 , 冰糖拌勻炒數分鐘 

6. 加入冬菇水及4杯水份量拌勻 , 用中火煮滾後蓋上蓋轉慢火炆45分鐘 

7. 期間將沙爆魚肚放入煲內 , 加入水浸過面 

8. 用碟或碗壓下魚肚令魚肚完全浸於水中 , 蓋上蓋靜待30分鐘 

9. 半肥瘦豬肉切粒 , 剁成肉餅狀 

10. 放入碗內加少許鹽 , 胡椒粉及麻油拌勻 , 用手撻十餘下靜待30分鐘

11. 將浸已軟身的魚肚用水沖一沖洗後放入煲內 , 加入餘下份量的薑絲及蔥段 

12. 加水用中火煮至滾起 , 蓋上蓋焗10分鐘後將魚肚盛起瀝乾水份 

13. 炆左45分鐘的鴨腳再加入魚肚及冬菇拌勻 , 蓋上蓋繼續用慢火炆10分鐘 

14. 10分鐘後將全部材料連汁料轉放另一煲內蓋上蓋焗20分鐘 

15. 期間將腐皮修邊後對摺再剪成長型 

16. 冬菇及魚肚分別盛起 , 魚肚用剪刀剪成細片 , 生粉及水拌勻成生粉水

17. 腐皮上逐一放上鴨腳 , 豬肉 , 魚肚及冬菇包好 , 用生粉水封口 

18. 將包好的鴨腳扎靜待10分鐘

19. 鴨腳扎放上碟 , 放入美的早餐機蓋上蓋按<蒸 / 煮>功能 , 時間調至15分鐘 

20. 再焗5分鐘即可

夠足料又美味的鴨腳扎 , 袁太整左六件 , 全部都係袁生獨享呢 ^^