粟米肉粒飯

某日午餐突然想食碟頭飯 , 袁太的碟頭飯首選係最愛的粟米肉粒飯 , 最愛用粟米汁拌飯食 , 唔止我架 , 其實連袁生都愛粟米肉粒飯 ......



而且呢個飯絕對屬於懶人餐 , 何謂懶人餐 ??? 對袁太來說 , 只是唔需要專登去買材料 , 又或者用廚房剩餘的物資 , 就可以煮到一餐飯出來 , 這就是袁太所謂的懶人餐了 , 哈 ...... 其實講咁多廢話 , 都離不開一個字"懶" , 呢個碟頭飯的材料全部都係廚房的剩餘物資黎架 , 絕對唔駛落街買材料




冰箱長期都係梅頭肉的蹤影 , 亦有午餐肉呢個長期租客 , 之前見特價買左幾包粟米蓉未用晒 , 煲湯時又用剩一條粟米 , 就可以好輕鬆製作粟米肉粒飯呢 ^^



材料 : 粟米蓉 , 梅頭豬肉 , 粟米 , 雞蛋 , 午餐肉(細) , 胡椒粉 , 鹽 , 糖 , 水 , 蔥絲 , 美的早餐機(MZ-DSY18A)

 
梅頭豬肉切粒放入碗內 , 加入醃料拌勻靜待30分鐘 , 午餐肉切粒 , 粟米切段放入美的早餐機的蒸架上 , 蓋上蓋按<蒸 / 煮>功能 , 時間調至15分鐘至熟透 , 起出粟米粒備用

逐一將午餐肉粒放入早餐機的煎pan內 , 按<煎蛋>功能 , 慢慢煎香午餐肉粒盛起 , 再放入豬肉粒爆香至熟透盛起 , 雞蛋拌勻成蛋液

粟米蓉放入煲內 , 加入粟米粒及1/2杯水拌勻 , 用中火煮至滾 , 將之前炒香的豬肉粒 , 午餐肉粒放入粟米汁內 , 加少許胡椒粉調味拌勻用慢火煮數分鐘 , 最後熄火慢慢加入蛋液拌勻至杰身即可 

 

材料 
粟米蓉1盒 , 梅頭豬肉 , 粟米1條 , 雞蛋2隻 , 午餐肉(細)1罐 , 胡椒粉 , 鹽 , 糖 , 水1/2杯 , 蔥絲 , 美的早餐機(MZ-DSY18A)



做法
1. 梅頭豬肉切粒放入碗內 , 加入醃料拌勻靜待30分鐘 

2. 午餐肉切粒

3. 粟米切段放入美的早餐機的蒸架上 , 蓋上蓋按<蒸 / 煮>功能 , 時間調至15分鐘至熟透

4. 起出粟米粒備用

5. 逐一將午餐肉粒放入早餐機的煎pan內 , 按<煎蛋>功能 , 慢慢煎香午餐肉粒盛起

6. 再放入豬肉粒爆香至熟透盛起 

7. 雞蛋拌勻成蛋液

8. 粟米蓉放入煲內 , 加入粟米粒及1/2杯水拌勻 , 用中火煮至滾 

9. 將之前炒香的豬肉粒 , 午餐肉粒放入粟米汁內 

10. 加少許胡椒粉調味拌勻用慢火煮數分鐘 

11. 最後熄火慢慢加入蛋液拌勻至杰身即可 




只用廚房的剩餘物資都可以做出一碟色香味俱全的炒飯 , 我唔客氣呢 ^^