節瓜蝦米煮粉絲

最近收到朋友的whatsapp , 朋友一向都有keep住睇袁太廚房專頁的post , 想袁太得閒上傳比較簡單的食譜 , 皆因朋友一向少入廚房 , 而且不懂得煮 , 但又想煮餐好餸給家人品嚐 , 所以就希望有d比較簡單的家常菜 , 等她可以容易上手 ......

朋友有要求 , 袁太當然唔會say no喇 , 今日去街市見有一份份節瓜賣 , 5蚊有4個 , 就買了一份回家 , 記得廚房有蝦米同粉絲 , 就煮簡單的節瓜蝦米粉絲吧 , 絕對夠簡單呢 , 袁太媽咪都經常煮呢個家常菜 , 媽咪還喜歡加入午餐肉一齊煮 , 雖然袁太都想加午餐肉 , 不過剛巧屋企沒有 , 袁太每次煮粉絲都會食好多 , 因為粉絲入晒味 , 真係好好味架



希望朋友睇到呢個食譜會喜歡 , 可以煮好餸同家人分享呢 ^^

材料 : 節瓜 , 粉絲 , 蝦米 , 胡椒粉 , 薑 , 水

粉絲放入大碗內 , 加水浸過面靜待30分鐘至軟身 , 盛起瀝乾水份 , 節瓜用匙羹刮去皮再切條 , 蝦米浸水10分鐘(蝦米水留用) , 薑去皮切絲 , 蝦米用水沖洗乾淨

燒紅鑊 , 放入蝦米及薑絲拌勻炒香 , 加入節瓜 , 少許雞粉拌炒數分鐘 , 加入蝦米水及1杯水份量拌勻 , 用慢火煮約5分鐘至半軟身 , 加少許胡椒粉調味 , 加入粉絲拌勻 , 蓋上蓋用中火煮數分鐘至粉絲軟身及索去一半汁料 , 最後加少許老抽調色拌勻即可

材料
節瓜2個 , 粉絲 , 蝦米 , 胡椒粉 , 薑 , 水1杯



做法
1. 粉絲放入大碗內 , 加水浸過面靜待30分鐘至軟身 , 盛起瀝乾水份 

2. 節瓜用匙羹刮去皮再切條 

3. 蝦米浸水10分鐘(蝦米水留用) , 薑去皮切絲 , 蝦米用水沖洗乾淨

4. 燒紅鑊 , 放入蝦米及薑絲拌勻炒香 

5. 加入節瓜 , 少許雞粉拌炒數分鐘 

6. 加入蝦米水及1杯水份量拌勻 , 用慢火煮約5分鐘至半軟身 

7. 加少許胡椒粉調味 , 加入粉絲拌勻 

8. 蓋上蓋用中火煮數分鐘至粉絲軟身及索去一半汁料 , 最後加少許老抽調色拌勻即可 




簡單美味的節瓜蝦米煮粉絲 , 材料簡單 , 做法簡單 , 粉絲入晒味 , 非常美味呢 ^^