仲有不到十天就到農曆新年 , 唔知大家開始蒸糕未呢 ??? 袁太一向好慢熱 , 所以通常新年前數天才會動工製作 , 以前想食糕有婆婆整 , 婆婆過世後就有媽咪接手整 , 不過媽咪最近幾年話懶唔想整 , 都買現成回家 , 不過街賣的當然唔好吃 , 冇咩配料之餘 , 感覺好似粉多個咩咁 , 所以呢幾年基本上都係袁太一個人負責整 , 然後回娘家送禮 ......
不過整蘿蔔糕最糟糕的事莫過於係將白蘿蔔刨絲 , 諗起都覺得頭痛 , 不過現在有廚師機同配件幫手 , 白蘿蔔刨絲完全冇難度 , 唔駛20秒已經有靚靚的蘿蔔絲 , 令製作蘿蔔糕的時間可大大縮短
袁太講的好幫手就是美的多功能料理廚師機及切片 , 切絲器配件 , 切絲器有粗絲及細絲 , 今次袁太粗絲 , 幼絲兩款都會用 , 令蘿蔔糕增點口感
將白蘿蔔去皮略切細 , 再用切絲器幫忙刨絲 , 絕對快靚正 , 唔駛再刨到手都軟 , 再炒下配料及加粉漿拌勻 , 就可以隔水蒸 , 蒸45分鐘至1小時就完成 , 蒸好時熱辣辣食一底 , 餘下的就放入雪櫃靜待一晚至硬身 , 第二日就切粒加XO醬炒來做早點 , 好鬼好味道 , 未有廚師機時袁太用刀慢慢將白蘿蔔切絲 , 人手切當然粗幼不同 , 所以蒸出來會有過軟及未軟的情況出現 , 但用廚師機切絲器配件幫忙 , 條條粗幼一樣 , 所以蒸出來的蘿蔔糕質感好好 , 無論蒸同煎都同樣出色呢 ^^
材料 : 白蘿蔔 , 蝦米 , 蝦皮 , 白芝麻(預先放入白鑊中炒香) , 短臘腸 , 短潤腸 , 鮮冬菇(亦可用乾冬菇 , 乾冬菇需要預先一晚浸軟) , 胡椒粉 , 粘米粉 , 粟粉 , 蒸糕盆 , 油 , 掃 ,美的多功能食物料理廚師機(MKM45) , 廚師機配件(切粗絲 , 細絲配件)
蝦皮蝦米用100ml水浸10分鐘 , 食物處理器按放在廚師機上 , 白蘿蔔去皮略切條狀 , 一半份量逐一放入料理器內按1速切成粗絲 , 蘿蔔絲渣乾水份放入大碗內(渣出來的蘿蔔水留用) , 處理器轉換切細絲器 , 再放入餘下份量的白蘿蔔 , 同樣按1速切成細絲 , 渣乾手份放入大碗內(渣出來的蘿蔔水留用) , 蘿蔔水留起100ml , 再加入100ml浸蝦皮蝦米水拌勻
粘米粉 , 粟米及200ml蘿蔔蝦米水放入攪拌杯內 , 按1速拌勻成沒有粉粒 , 加少許鹽及胡椒粉調味拌勻備用 , 蝦米蝦皮切碎 , 臘腸 , 潤腸用熱水沖洗後切粒 , 冬菇切粒 , 將臘腸粒 , 潤腸粒放入鑊中爆香至出油 , 再加入蝦皮蝦米 , 冬菇粒用中火拌炒數分鐘
炒好的配料加入蘿蔔絲內 , 廚師機用攪拌槳按3速拌勻數分鐘 , 再加入粉漿 , 繼續用3速拌勻 ,
糕盆掃上油 , 將材料平均放入 , 再用刀壓平 , 放入鑊中隔水蓋上蓋蒸45分鐘至1小時至熟透 , 取出灑上白芝麻即可 (如食蒸蘿蔔糕就可趁熱食 , 如食煎蘿蔔糕 , 需待涼1小時後蓋上保鮮紙入雪櫃靜待一晚 , 食前切片或切粒 , 放入鑊中用慢火慢慢煎至兩面金黃色即可)
材料白蘿蔔1條 , 蝦米 , 蝦皮 , 白芝麻(預先放入白鑊中炒香) , 短臘腸2條 , 短潤腸1條 , 鮮冬菇3隻(亦可用乾冬菇 , 乾冬菇需要預先一晚浸軟) , 胡椒粉 , 粘米粉150g , 粟粉60g , 蒸糕盆 , 油 , 掃 ,美的多功能食物料理廚師機(MKM45) , 廚師機配件(切粗絲 , 細絲配件)
做法1. 蝦皮蝦米用100ml水浸10分鐘 , 食物處理器按放在廚師機上
2. 白蘿蔔去皮略切條狀 , 一半份量逐一放入料理器內按1速切成粗絲
3. 蘿蔔絲渣乾水份放入大碗內(渣出來的蘿蔔水留用)
4. 處理器轉換切細絲器 , 再放入餘下份量的白蘿蔔 , 同樣按1速切成細絲
5. 渣乾手份放入大碗內(渣出來的蘿蔔水留用)
6. 蘿蔔水留起100ml , 再加入100ml浸蝦皮蝦米水拌勻
7. 粘米粉 , 粟米及200ml蘿蔔蝦米水放入攪拌杯內 , 按1速拌勻成沒有粉粒 , 加少許鹽及胡椒粉調味拌勻備用
8. 蝦米蝦皮切碎 , 臘腸 , 潤腸用熱水沖洗後切粒 , 冬菇切粒
9. 將臘腸粒 , 潤腸粒放入鑊中爆香至出油
10. 再加入蝦皮蝦米 , 冬菇粒用中火拌炒數分鐘
12. 再加入粉漿 , 繼續用3速拌勻
13. 糕盆掃上油 , 將材料平均放入 , 再用刀壓平
14. 放入鑊中隔水蓋上蓋蒸45分鐘至1小時至熟透 , 取出灑上白芝麻即可
(如食蒸蘿蔔糕就可趁熱食 , 如食煎蘿蔔糕 , 需待涼1小時後蓋上保鮮紙入雪櫃靜待一晚 , 食前切片或切粒 , 放入鑊中用慢火慢慢煎至兩面金黃色即可)
有廚師機在家 , 可輕輕鬆鬆製作足料美味的臘味蘿蔔糕 , 無論質感同口感都非常好呢 ^^
真係方便快捷好多
回覆刪除我最鍾意食！
回覆刪除