[有味飯系列] 粒粒香菇栗子飯

平時一向唔多食午餐的袁太 , 最近唔知點解愛上了食午餐 , 仲要愛上食炒粉麵飯 , 最愛食有味飯 , 愛有味飯做法簡單 , 大大碗又夠飽肚 , 袁太曾經煮過栗子臘味飯已經覺得好好味 , 不過今次就煮另一款的有味飯 ......

[派對小食] 脆脆炸薯波

剛過去的聖誕節 , 大家有冇過一個開心的聖誕節呢 , 每逢節日 , 我同袁生都好例牌地靜靜在家過 , 或者會出個街食個飯咁 , 始終我地兩條友都唔多鐘意人多濟迫的地方 ......

<美的陶瓷蒸燉寶MD8101F食譜> 杏汁木瓜雪耳燉鮮奶

上次整左羅漢果燉貢梨俾袁生飲飲後 , 今次就燉個甜品俾自己嘆下 , 一向都好鐘意食木瓜燉鮮奶的袁太 , 平時都係放入鑊隔水燉 , 而家有燉蒸寶就可以方便製作 , 唔駛睇火 , 實在太好 , 燉的時候仲可以做下其他事 , 等佢慢慢燉 ......

家鄉炒米粉

前幾日一時天氣好 , 一時就天蔭蔭 , 氣溫稍為下降 , 落街買餸都凍冰冰 , 天氣凍就自然好容易肚仔餓 , 所以就決定整個下午茶炒粉麵食下暖暖胃 ......

[點心.點心] 山竹牛肉球

之前有文章提及過袁生最情有獨鐘的點心有豉椒鳳爪 , 其實情有獨鐘既唔止一樣 , 仲有山竹牛肉球 , 前排袁生同我講想食山竹牛肉做早點 , 又話出面點心店唔好食 , 咁我就邀請袁生不如一齊去酒樓飲茶咪有得食囉 , 佢又唔肯 , 之後個幾日佢好似細路仔咁不停係我耳邊轟炸 , 袁太終於敗給他 , 就買材料整牛肉球俾佢做早點 ......

<美的陶瓷蒸燉寶MD8101F食譜> 羅漢果燉貢梨

當之前品牌公司send訊息來話會有新產品寄來 , 袁太雖然未收到產品 , 但已經想好食譜煮咩 , 第一樣就係羅漢果燉梨 , 袁生一向夜訓早起 , 唔知係咪休息唔夠 , 見佢有幾聲咳 , 羅漢果清熱潤喉相當唔錯 ......

雜菇炆伊麵

每當袁太唔知晚餐煮咩好的時候 , 例牌問袁生 , 佢個獨弧一味的答案 ~是但喇~ , 我真係好鬼憎呢個答案 , 是但即係咩呢 , 成日都講是但 , 但煮好又話唔啱食 , 好Q乞人憎 ......

香蕉蛋糕

之前整香蕉糕時剩下兩隻香蕉 , 起初只想簡單用來當飯果 , 不過放左幾日後 , 見餘下的兩隻香蕉已經熟透 , 其實袁太唔太喜歡食熟到爛的香蕉 , 所以 ......

[早餐系列] 沙爹牛肉麵

平時早餐多數都係求其買個麵包俾袁生做早餐 , 自從上次整鹹牛肉玉子燒三文治俾袁生後 , 就經常問袁太幾時會再整早餐俾佢食 , 所以就繼續為袁生煮個美味早餐俾佢嘆下 , 好過買麵包 , 買點心俾佢食呢 ......

枝竹馬蹄羊腩煲

呢幾日天氣好凍 , 落街買餸都要著大褸頸巾保暖 , 咁凍的天氣除左火鍋外 , 食羊腩煲都可以好保暖 , 每當秋涼的天氣 , 朋友們會陸續叫袁太幫忙炮製火鍋湯底同羊腩煲 , 所以每逢秋冬季 , 我就可以賺下外快 , 朋友食得開心 , 而我又有錢落袋 , winwin雙嬴 , 不過話雖如此 , 其實袁太每次都冇打算收取任何費用 , 只要朋友們喜愛我煮既食物 , 呢樣滿足同成功感對我來說俾錢更為重要 ......

<美的免油健炸寶MF20B食譜> 八寶素春卷

袁太前幾日感覺開始有少許喉嚨痛 , 但轉頭又想整炸物 , 皆因俾我係冰箱找到包春卷皮 , 大家都知 , 袁生袁太無時無刻都喜愛食煎炸物 , 當咬落去脆卜卜的感覺令人覺得好滿足 ......

[早餐系列] 鹹牛肉玉子燒三文治

將時間調番去11月尾的時候 , 某日袁生頻頻嘈嘈閉話想食鹹牛肉蛋治做早餐 , 不過有時又要買餸煮飯煲湯 , 仲要我煮埋早餐~no way~喇 , 見之後有日休息一天唔煮飯 , 所以就決定整袁生想食的鹹牛肉蛋治早餐俾佢嘆下 ......

香滑芝麻糊

大家喜歡食中式糖水嗎 ??? 袁太就好喜歡 , 相反袁生就麻麻地 , 他只喜歡綠豆沙 , 袁太就好多都好喜歡 , 例如紅豆沙 , 腐竹糖水 , 西米露我統統喜歡 , 仲有一款就係烏卒卒的芝麻糊 ......

生炒糯米飯

之前有朋友仔係facebook問袁太點樣整~生炒糯米飯~ , 其實袁太都幾鐘意食糯米飯架 , 不過入廚咁耐一次都未曾自己整過 , 希望會成功 ......

芝士菠菜煙肉焗大菇

吉吉島每逢星期三都係特價日 , 袁太就最鐘意特價日的時候買下零食 , 冷凍食物或者肉類 , 每星期的星期三都買極多野回家 , 次次都俾袁生話 ~買咁多煮得晒咩~ , 超 ... 你唔好理我咁多 , 我鐘意呀 , 吹咩 ......

香煎蜜桃豬扒

假日清潔廚房的時候 , 發現廚櫃上有罐地們蜜桃 , 究竟我係幾時買回家 ??? 快快手清一清 , 但又唔想整沙律 , 又唔想整甜品 , ~哼~ 一於用來煮餸吧 , 煮雞翼還是煮豬扒好 ??? 俾我選擇的話 , 我會選擇雞翼 , 不過大家知喇 , 袁太唔食得雞 , 而且我知袁生會喜愛豬扒多一些 , 而我的推段果然冇錯 , 袁生要求 ~豬扒~ ......

沙薑焗雞

睇開袁太廚房的朋友仔 , 應該都會知道袁生袁太除左喜愛食炸物之外 , 雞雞都非常喜愛 , 雖然而家唔食得雞 , 但我絕對唔會趕絕袁生陪我一齊唔食雞既 , 之但係而家買一隻雞番黎 , 就要袁生分兩日先可以食得晒 ......

蠔油魚蛋配咖哩辣醬

袁太突然醒起 , 以前細個去小食店買魚蛋 , 因袁太喜愛辣 , 但姐姐不食辣 , 每次都要老闆分開兩袋 , 一袋辣 , 一袋唔辣 , 亦曾經俾老闆話~放埋一袋喇 , 都係沾到少少辣姐~ , 哈 ... 又或者可能袁太實在太愛辣 , 所以在家自製魚蛋 , 一定整咖哩味 ......

鹹魚肉碎扒豆腐花

鹹魚呢家野我屋企個位袁生喜歡到不得了 , 逢係用鹹魚做的小菜都非常喜歡 , 好似有鹹魚蒸肉餅 , 用鹹魚做的魚香茄子 , 用鹹魚做的沙律 , 用鹹魚做的炒飯佢統統都愛 , 可以稱得上係一位鹹魚怪 ......

芝士肉醬意粉

唔知大家喜唔喜愛肉醬意粉呢 ??? 唔講意粉 , 肉醬簡直係我家袁生的至愛 , 無論咩肉醬煎蛋飯 , 肉醬千層闊麵佢統統都愛 , 袁生係一個只要有肉醬就可以食幾碗飯的人 , 不過相反我就麻麻地愛肉醬 ......

麵包布丁

上次整咖哩麵包盒時還剩下1/3份麵包 , 突然想起可以用來製作麵包布丁 , 雖然麵包布丁俾我感覺係聖誕節的食物 , 不過大家都知袁太的性格呢 , 想食就會整 , 絕對唔會理係咩節日先可以食的食物呢 , 我的性格就係想食就會立刻去買材料整 , 何況整麵包布丁所需要的材料都好簡單 , 絕對容易就買到 ......

蠔仔肉碎煎蛋角

前幾天又心思思想整蛋角 , 以往整蛋角我離不開一定用涼瓜配魚肉做餡料 , 以前都曾經上傳過涼瓜魚肉蛋角的食譜 , 不過今次就想轉用肉碎 , 講就講得好聽想用肉碎 , 其實只係發現冰箱仲有一包仔的肉碎 , 再唔用埋佢又唔知會放幾耐 , 除左用肉碎外 , 袁太仲加左一樣袁生最愛的材料 ......

<大囍慶情迷野菌醬系列> 雜菇野菌醬燴飯

平時有睇開袁太的廚房的朋友仔們 , 係咪發現一向好少會有西式的食物出現 ??? 好簡單 , 皆因袁太一向唔太愛西式食物 , 當然甜品蛋糕例外 , 不過某日袁生突然話想食意式燴飯喎 , 難道佢想我專登去超市買包意大利米回家嗎 ??? 咪傻豬喇 , 買左番屋企咪就係會整一次咁大把 , 然後就唔知會放幾耐 ......

咖哩手撕豬肉麵包盒

袁太某日訓醒想食咖哩 , 以往煮咖哩必然愛配雞 , 配牛腩牛筋 , 牛展的我 , 大家都知 , 而家基本上肉類只可以食豬肉 , 咁唯有整咖哩豬 ......

臘腸排骨煲仔飯

平時袁太好少會食午餐 , 通常都係食早餐 , 下午茶或晚餐多 , 不過有時都想食午餐 , 應該話想食煲仔飯 , 最近天氣開始秋涼 , 食煲仔飯可以暖暖身 , 都係一個唔錯的選擇 , 煲仔飯首選我一定係臘味飯 , 不過買唔到靚臘肉 , 只買到短短的臘腸 ......

上湯鮮竹卷

前排某日袁生好早起床 , 落街買點心早餐回家 , 袁太同袁生一齊差不多20年的時間 , 佢自動自覺去買早餐的次數可以話5次都冇 , 佢突然咁好死 , 一定有野想買 , 想袁太潑款俾佢 , 一定係呢 ......

清湯白蘿蔔炆豬軟骨

前排袁太媽咪俾左豬軟骨我 , 成日話唔趁後生時補下d骨 , 老左就辛苦 , 多病痛喎 , 其實豬軟骨俾我選擇 , 我會用來煲湯 , 或者用來炆 , 但用黎煲湯又驚好油 , 都係用來炆好d ......

椰香葡國雞肉飯

某日袁太夜晚有飯局 , 晚餐就要袁生自己攪掂 , 不過袁太唔放心 , 因袁生要趕圖 , 佢一趕圖就進入忘我境界 , 真係驚佢掛住畫圖 , 連飯都唔食 , 所以袁太就朝早就去街市買材料 , 整袁生愛的葡國雞俾佢做晚餐 ......

[宵夜餐] 香菇豆苗豬肉湯餃

呢幾日的天氣有時天蔭蔭 , 有時下著雨 , 有時又出太陽 , 不過天氣開始涼了, 大家又要為自己身體做足保暖功夫 , 始終冬天就快來臨 , 病左就唔係咁好喇 ......

<美的早餐機MZ-DSY18A食譜> 煙肉雜菜雞卷

袁生好喜歡食雞卷 , 以往雞卷都係電視的外國烹飪節目中看過 , 印象中多數都用菠菜做餡料 , 不過麻煩友唔太食菠菜 , 又唔喜愛蘆筍 , 唯有轉一轉材料 , 轉用西芹 , 甘旬這類蔬菜做成雜菜餡 , 應該唔會差得過用菠菜(我絕對相信) ......

<美的破壁機BL1188食譜> 桂花米漿白糖糕

唔知大家喜唔喜愛食白糖糕呢 ??? 記得N年前整過一次 , 雖然成功 , 但之後又懶 , 寧願係街買 , 不過街買的白糖糕好容易變酸 , 就算唔放隔夜 , 只放幾粒鐘再食都已經感覺有陣酸味 , 絕對唔好吃 , 所以就決定再自家製 ......

冬菇瑤柱荷葉飯

唔知大家鐘唔鐘意食荷葉飯既呢 ??? 我就好鐘意 , 閒時會去大型連鎖快餐店食午餐 , 都會選擇食荷葉飯 , 不過好多時荷葉飯入面都會有雞粒 , 而家袁太唔食得雞 , 就唔可以食街的荷葉飯 , 想食的話 , 當然要自家製 , 感覺整荷葉飯應該唔會太困難 , 只係煩惱附近街市有冇靚荷葉賣 ......

<美的早餐機MZ-DSY18A食譜> 芫茜魚肉煎蛋卷

又到早餐機系列時間 , 袁太某日突然好想 ... 好想食蛋卷配麵做早點 , 雖然蛋卷可以用好多唔同的食材做餡料 , 但我最愛的蛋卷餡料首選一定係魚肉 , 印象中入廚咁多年只係整過一次蛋卷咁大把 , 最愛蛋卷做法簡單 , 材料簡單 , 卷好蛋卷蒸熟就咁食又得 , 或者好似袁太咁煎香食又得 , 賣相又靚靚 , 都出得大出面架 ......

泰式椰汁西米糕

大家喜愛泰式甜點嗎 ??? 袁太平時就好少接觸泰式食物 , 不過家中件麻煩友就超喜愛 , 例如之前上傳過的泰式冬蔭功湯 , 或者泰式的炒金邊粉 , 泰式豬頸肉 , 或珍多冰等等 ... 都係袁生的至愛 , 其中一樣至愛 , 袁生N年前已經叫袁太整 , 不過現在先第一次嘗試製作 ......

[蒸+煎] 冬菇椰菜雞肉餃

之前買左兩塊雞扒回家 , 一塊上次用左智能高速鍋整左雞肉餅飯 , 用剩一塊又放左係冰箱冬眠左成個月 , 超級冇記性的袁太又唔記得左佢的存在 , 直至前幾日開冰箱清一清理的時候先發現塊雞扒向我揮手 , 決定攞佢出黎解凍左先再算 ......

[惹味湯 / 火鍋湯底] 泰式冬蔭功湯

袁生某日突然想飲冬蔭功湯 , 但袁太一向唔多喜愛酸酸辣辣的湯 , 不過大家知喇 , 袁生一開口 , 袁太就算幾唔鐘意食 , 幾唔鐘意飲 , 我都會去買材料煮俾佢食 , 做女人做到的咁都算犯賤呢 , 哈 ... 

鬆軟紙包蛋糕

紙包蛋糕係袁氏夫婦的最愛 , 閒時都會去麵包店買幾個回家做早餐 , 下午茶或宵夜 , 不過而家麵包店的紙包蛋糕都唔平架 , 十幾蚊得3個 , 夠袁生食都唔夠我食喇 , 現在接近差不多年尾的日子 , 袁生開始多圖劃 , 又係要準備宵夜俾佢的時候 , 突然想起 , 不如自己動手做個紙包蛋糕俾袁生做宵夜 , 自家製永遠品質最好 , 而且可以控制甜度 ......

臘味蘿蔔糕

唔知大家除左新年的時候會蒸糕糕之外 , 平時會唔會整下蘿蔔糕呢 ??? 我既答案係~絕對會~ , 以前想食糕有婆婆整 , 婆婆過世後就有媽咪接手整 , 不過媽咪只會新年先整 , 如果日常生活中想食 , 媽咪只會好簡單係粥店買 , 當然出面街賣的係唔好吃 , 冇咩配料之餘 , 感覺好似粉多個咩咁 , 何況今次唔只我想食 , 袁生都想食架 ......

<美的早餐機MZ-DSY18A食譜> 白飯魚玉子燒

大家喜愛食白飯魚嗎 ??? 袁生袁太好鐘意呀 , 閒時都會去街市或超市買包回家 , 放冰箱做存貨 , 當有時袁太諗唔到煮咩的時候 , 白飯魚都係一個好幫手黎架 ......

南瓜西米焗布甸

袁太一向心情唔好或唔開心的時候 , 都會入廚房整下甜品蛋糕 , 整完之後心情會平復番晒 , 不過夜媽媽想整甜品 , 都要廚房有材料先得 , 幸好地之前買左條南瓜諗住煲湯 , 咁就用來整甜品喇 , 再加上花奶 , 椰漿 , 西米等等材料 , 整袁太最愛的西米焗布甸 ......

<美的早餐機MZ-DSY18A食譜> 蒸粉果(XO醬芹菜豬肉餡)

平時出街食粉果就食得多 , 自己係包粉果都係第一次 , 其實未整之前都覺得應該會幾難整 , 同埋一定會包得好樣衰 , 因此始終搓麵糰唔係袁太強項 ......

<美的早餐機MZ-DSY18A食譜> 蒜香魚露豬扒配菠菜肉鬆飯糰

平時袁太一向冇食早餐的習慣 , 就算食都係求求其其落街買個包算數 , 唔會特登就去買材料煮早餐 , 直至有佢的出現 ......

<美的免油健炸寶MF20B食譜> 鹹水角

大家平時去酒樓嘆一盅兩件 , 通常會點咩點心呢 ??? 蝦餃 ??? 燒賣 ??? 腸粉 ??? 鳳爪 ??? 奶皇包 ??? 還是叉燒包呢 ??? 其實以上全部都係袁太愛吃架 , 不過其中一類 , 袁太每次去酒樓必點既 , 當然係煎炸物喇 , 炸春卷 , 煎腐皮卷我統統都愛 , 還有一樣食物係超喜歡 , 就係 ......

<美的免油健炸寶MF20B食譜> 七味辣炸多春魚

繼續試用美的免油健炸寶煮野 , 大家都知 , 袁生袁太係炸物怪 , 經常會開油鑊炸野 , 自從有左美的免油健炸寶後 , 想炸野絕對冇難度 , 而且唔駛用油炸 , 可以慳番好多油呢 ......

自家製柚子蜜

咁多位~中秋節快樂~ , 每逢中秋節前後 , 街市 , 超市都陸續見有柚子賣 , 價錢便宜 , 不過袁生袁太一向都唔太喜歡食柚子 , 但我家袁生就好喜愛飲柚子蜜 , 大家知喇 , 市面賣一樽樽的柚子蜜都幾貴 , 自家製價錢便宜 , 仲冇防腐劑 , 好健康呢 ......

黑椒蜜汁豬肉乾

上次為左預防超強颱風~山竹~的來臨 , 袁太預早買定食物儲糧 , 只不過風只係打左約一日半的時間 , 剩下的豬肉碎要如何處置 ??? 因如果又放入冰箱 , 又唔知幾時先再發現有包豬肉的存在 , 所以又要想想辦法如何清走佢 ......

[冷飯料理 x 美的免油健炸寶MF20B食譜] 脆脆黑芝麻雜菜煎米餅

大家會唔會經常有冷飯應該如何處理的煩惱呢 ??? 日常生活裡 , 每一星期總有一日會有冷飯剩低 , 放入雪櫃通常都會過幾日才發現 , 一般冷飯都會用來炒飯 , 但我家袁生唔太喜愛炒飯 , 所以要諗諗計 , 碗冷飯該如何處置 ......

[阿華田食譜] 阿華田麻糬波波

袁太好耐好耐出食譜係冇步驟圖呢 , 點解 ??? 皆因上次過相時手殘 , 一delete , 就delete左好多相 , 有好幾個食譜係完全俾我刪晒 , 呢個係其中次一 ......

<美的破壁機BL1188食譜> 黑芝麻杏仁茶

上次用美的破壁機整完袁太至愛的腰果露之後 , 家中個件麻煩友又係度嘈嘈閉 , 話今次論到整佢的至愛杏仁茶喎 , 頂~~~你唔係唔知我一向好討厭杏仁味嗎 ??? 咩杏仁茶 , 杏仁霜 , 杏仁餅我統統唔食 , 不過當然 , 袁太係犯賤的 , 大家都估到 , 就算我唔食 , 只要袁生開到口 , 我一定唔會say no ......

[阿華田 x 美的免油健炸寶MF20B食譜] 阿華田吉士醬脆脆西多士

前日~山竹~呢個颱風真勁 , 起初打風前都有猛猛太陽出現 , 以為唔會好似天文台講得咁誇張 , 不過袁太都有去街市買定蔬菜 , 豬肉同罐頭預防打風 , 屋企出面的樹 , 垃圾桶都吹到冧晒 , 好危險呢 , 今日袁太又同大家分享阿華田食譜 , 上次就用左阿華田牛奶麥精飲品做左饅頭 , 今次就用阿華田營養麥芽飲品 , 做香港好多士民都鐘意的下午茶~西多士~ , 不過今次唔用油炸 , 而係用袁太收到的美的新玩具代油炸作烹調 ......